Do chéad fáilte chuig Futa
Fata, comhlacht beag neamhspleách ceoil agus foilsitheoireachta a bunaíodh i 1997. Saothar an chumadóra Tadhg Mac Dhonnagáin, Maigh Eoch atá lonnaithe i gConamara, a eisíodh ar an lipéad i dtosach ama. Tá fás agus forbairt ag teacht ar Futa Fata ó shin i leith agus tá clár oibre an chomhlachta ag leathnú amach ar feadh an ama. Ach beidh dhá phríomhshruth i gceist i gcónaí le hobair Futa Fata – siad sin ábhar do dhaoine fásta agus ábhar do pháistí a chur ar fáil agus na caighdeáin is airde léiriúcháin ar féidir a bhaint amach ar feadh an ama.
Tadhg
Mac Dhonnagáin — Cé hé fhéin?
Is cumadóir amhrán, léiritheoir ceoil agus scríbhneoir é Tadhg Mac Dhonnagáin.
Sa Spidéal, i nGaeltacht Chonamara atá cónaí air.
Tá ceithre cinn de bhunalbaim nua-amhrán eisithe aige: Solas Gorm (Gael Linn 1988), Raifteirí san Underground (CIC 1993); dhá chnuasach do pháistí – Bliain na nAmhrán (Futa Fata 1997) agus Ceol na Mara (Futa Fata 2004). Eisíodh rogha amhrán leis faoin teideal Imíonn an tAm sa mbliain 2004.
Tá sé féin agus an cumadóir agus léiritheoir ceoil John Ryan ag obair as láimh a chéile le fada an lá. Tá dhá leabhar/dlúthdhiosca curtha i dtoll a chéile acu – an cnuasach de rannta traidisiúnta do pháistí Gugalaí Gug (Futa Fata 2005) agus duanaire do dhaoine fásta dar teideal “Aniar – Voices and Verse from the Edge of the World”(Futa Fata 2007).
Is fada Tadhg ag treabhadh i ngort na teilifíse. Le roinnt blianta anuas, bhí baint aige le dhá chlár ar bronnadh Gradaim IFTA orthu in Éirinn – an tsraith ealaíon “Cúrsaí Ealaíne” (RTÉ, 2000) agus an sraithdhráma grinn do dhaoine óga “Aifric” (TG4, 2007).
Insealbhaíodh é mar Uachtarán ar Oireachtas na Gaeilge i 2007. Is é an duine is óige riamh ar bronnadh an gradam sin air, ó bunaíodh an fhéile i 1897.
Foilseacháin Futa Fata —
Do pháistí 
|
Gugalaí Gug |
Ceol na Mara |
Bliain na nAmhrán |
|
| Do dhaoine fásta |
Aniar |
Imíonn an tAm |
|
|
|
