Aniar, Véarsaíocht ón Traidisiún Gaelach
Tadhg Mac Dhonnagáin, Ceara Conway agus John Ryan, ISBN 978-0-9550983-1-4
Leabhar lándaite, le clúdach crua agus dlúthdhiosca ardchaighdeán léiriúcháin. Véarsaíocht á aithris ar an dlúthdhiosca ag triúr aisteoir aitheanta ó Chonamara: Peadar Ó Treasaigh, Áine Ní Dhroighneáin agus Darach Ó Tuairisg. |
Is fairsing an t-ábhar atá ar fáil i dtraidisiún béil na Gaeltachta. Is iad na hamhráin, b’fhéidir, is mó atá i mbéal an phobail ar na saolta seo, ach tá réimse leathan eile ábhair ann – dánta, orthaí, tairngreachtaí, seanfhocail agus rabhlóga ina measc. Sa leabhar seo, cuirtear an seanábhar sin i láthair ar bhealach nua. Tugann Tadhg Mac Dhonnagáin cur síos ar chúlra na bpíosaí agus cuireann sé leaganacha véarsaíochta Béarla den bhunábhar i láthair. Déantar léiriú físiúil ar an véarsaíocht sna grianghrafanna taibhsiúla atá tarraingthe ag Ceara Conway. Ar an dlúthdhiosca a ghabann leis an leabhar, cloistear aisteoirí Conamaracha ag aithris na bpíosaí, le tionlacan nuachumtha ceoil agus rithime, ón gcumadóir John Ryan.  |
samplaí •
